黎明踏入2010年元旦即率領「雙J」Janice（衞蘭）和Janice Man（文詠珊）到澳門開騷會歌迷，依然不失「金句王」本色，大爆美國之旅工作人員瘀事贈興。
繼聖誕在美國登台後，2010年第一個晚上，黎明選擇在澳門舉行演唱會，當晚全場爆滿，Leon個唱自然少不了兩位愛將「雙J」撐場，Janice Man新一年更換上新造型，由之前的紅色新娘Look變了露肩白金珠片短裙大騷美腿，相當有睇頭；而Janice則捨棄出席叱咤頒獎禮，情願以歌聲會澳門歌迷。
英文發音有偏差
至於Leon亦換上全新黑色皮西裝出現，與女舞蹈員表演勁歌熱舞，最抵死是又再金句王上身，向台下觀眾大爆早前工作人員隨他到美國拉斯維加斯及大西洋城登台，在過關時竟發生瘀事，Leon笑言：「過關時關員問我哋位工作人員喺美國住邊間酒店，佢就話住Taj Mahal酒店，但佢發音就十足講咗『Touch My Heart』，令到位關員一頭霧水，最後位工作人員要入房查問，搞咗成粒鐘先搞清楚咗誤會。」
賀小師弟得金獎
而Janice Man亦有份隨Leon到美國演出，最令她興奮是能乘機Shopping，更順道與當地親友見面。至於「雙J」獲知小師弟李治廷在叱咤頒獎禮獲「生力軍男歌手金獎」，演出完畢即時致電恭賀他，並答應返港後會好好給他慶祝一番。
文：音樂組