唐詩詠昨午與高海寧為好友項明生推出新書《足足五千年》站台，期間二人分別以日本和服及肚皮舞打扮亮相，性感的高海寧頻露出打底褲，加上發福不少，令人側目。唐詩詠則繼續被記者包圍追訪，她表示至今仍未有與Amigo聯絡，且認為應該給予時間及空間讓對方冷靜。談到有指她傳短訊給Amigo，導致他與中巴決裂：「係咪掉轉咗呢？我收到短訊會禮貌回覆，但冇乜特別感覺，好淡然。」

冇畀人打過

唐詩詠表示Amigo與中巴的感情事，應留給二人解決，但談及私人事時，她不禁坦言：「如果你真係好愛一個人，又點會特登攞啲私事出嚟講呢？（好支持Amigo？）我哋一路都係朋友，我肯定過往嗰幾年，自己冇畀人打過。（擔心Amigo嘅前途？）唔回應嘞，只希望事實快啲清楚。」不過當問到Amigo爆粗時，她則含糊表示：「我身邊都有朋友講粗口……玩就有……以前啲嘢唔記得嘞。」

唔知乜居心

當被問到會否與Amigo復合，唐詩詠笑謂：「都話朋友，有朋友支持已經好足夠，況且我想專心工作。（覺唔覺得有人喺度宣傳？）我唔知有乜目的，但要宣傳都有好多方法嘅啫，或者應該睇吓聖經，心境會平復啲，亦會明白人生道理。」

至於推出新書的項明生計劃將新書酬勞捐助「小母牛香港分會」，他亦邀得陳文媛用水晶打造閃亮遊戲機作即場拍賣，籌得近萬元善款。

文：影視組