容祖兒、楊千嬅及謝安琪等昨日出席叱咤頒獎禮活動。雖然今年女歌手獎競爭激烈，但三女於台上台下均有講有笑兼交換禮物，千嬅更笑謂：「個獎係現金就會搏到盡！」
昨日舉行「我最喜愛的歌曲十強Boxing Day」活動，千嬅、謝安琪、祖兒及鍾舒漫等均打入最後十強，陳奕迅更以《七百年後》及《沙龍》同時入選。雖然女歌手獎戰情激烈，但無礙祖兒、千嬅及謝安琪的感情，獲大會安排同坐首行的三人不時密密斟，非常老友。
有傳謝安琪將奪叱咤女歌手金獎，千嬅表示不知情：「我睇好自己，如果個獎係現金就搏到盡啫！」謝安琪則謂：「攞獎嗰陣有人拍手已經好開心。」
何韻詩應退休
有指四大唱片公司與無綫交惡，故轉向其他三個頒獎禮埋手，謝安琪對此說：「嘩！講到咁大？祖兒同千嬅都努力，邊個攞都實至名歸，獎得幾個，出色歌手有好多，唔會介懷。（去唔去勁歌總選？）衫就揀咗，隨時ready去。」
對於好友何韻詩三甲不入，祖兒笑謂對方應提早退休：「佢根本自己做自己嘢，努力會有人睇到，唔係個個都將自己嘅成功建立喺獎項上。」祖兒又力撐師妹鍾舒漫：「依家做新人好難有機會，難得佢遇到《給自己的信》咁好嘅歌，好想支持佢。」而有份入圍的鍾舒漫及G.E.M.非常謙虛，均稱能夠入圍已經很開心，但因對手太強，覺得奪獎機會不大。
漏口風會生仔
另外，有傳千嬅與丁子高將於年初一（二月十四日）擺酒，千嬅謂：「趕生仔咩？陳慧琳生完都好似冇生咁，有咗都唔知。不過我唔會，因為工作上有晒安排。」她透露婚後首份收到老公的聖誕禮物是一張枱：「因為方便我去廁所上網同睇雜誌，好似醫院啲枱咁，佢仲為咗九折買兩張。（實唔實用？）實用，梗係實用啦！第時有小朋友留番畀佢學寫字。」
文：音樂組