前日聖誕節，賭王何鴻燊四房長女何超盈，於當日下午前往醫院探望父親後，晚上即換上性感紅色low cut短裙到中環夜蒲。盡興至凌晨4時半，超盈與數名男女友人步出夜店，隨行保鏢見超盈凍到縮縮吓，即上前遞上外套給她保暖。
帶甜品氹賭王
問到聖誕節怎樣與父親慶祝？她說：「Daddy話想食甜嘢，今日就去咗COVA買咗蛋糕同帶埋波波上去慶祝。（去邊嚟？）今晚開party。（男朋友呢？）今日佢唔得閒，尋日我都冇出街喺屋企過。」
提到與英國攻讀設計的男友Greg拍拖已久，超盈嬌嗲地說：「呢個真㗎！」但記者反問她以前的男友是假時，她笑而沒有回應，然後在保鏢護送下，與一女友人登上七人車離開。
