陳奕迅（Eason）巡迴演唱會90分的快活——上海站，一連三場前晚於上海國際體操中心揭開序幕，首次在上海度聖誕的Eason，即向觀眾送上特別禮物，把原定90分鐘演唱會唱至99分鐘，Eason更自彈自唱，他笑說：「我愈來愈有興趣彈結他，（明年演唱會再大展身手？）咁就畀觀眾估中，使乜開演唱會，總之每次開騷構思都唔同。」演唱會中樂隊Mr.更為Eason落力伴奏，更高唱一曲《如果我是陳奕迅》。
此外，Eason本是「傳媒大獎」熱門人選，但隨HKRIA與無綫就版稅爭拗，Eason的成績或大有影響，環球唱片高級副總裁黃劍濤說：「唔想諗呢啲，依家做唱片最緊要係賣到碟，同埋歌手嘅音樂得到人認同，（爭拗喺勁歌總選前可否解決？）估計就難啲。」