樂壇天后容祖兒（Joey）未到各大音樂頒獎禮，昨日任「亞洲遊戲展大使」已獲頒兩獎作為賽前熱身，更難得是十年來首次聖誕有假放，趁好朋友何韻詩（阿詩）不在香港，家中舉行迷你派對熱鬧一番。
祖兒昨日為亞洲遊戲展任開幕嘉賓及大使，樂壇即將頒發成績表，大會率先為祖兒打氣，頒發「亞洲遊戲展最受歡迎大使」及「香港網絡遊戲展Game后」兩大獎項，預祝祖兒先拔頭籌。適逢是平安夜，祖兒表示晚上不用開工，聖誕節更有一天假期。入行十年第一次放聖誕假？祖兒笑言：「應該係嘞，所以係一份好大嘅聖誕禮物。」祖兒打算在家中開派對，玩交換「十蚊雞」聖誕禮物。
買禮物講心意
可有預埋阿詩份？祖兒說：「佢應該工作中度過嘞，好多朋友要開工，得我一個得閒。（買咗禮物畀阿詩？）冇喎！（十蚊都慳？）係買唔啱啫，阿Sa（蔡卓妍）都話二月先收到我份禮物，咁禮物要講心意嘛，唔係為買而買嘛！（二月咪變情人節禮物？）二月唔一定係情人節嘅，我係話送畀阿Sa啫。」提到新城勁爆頒獎禮她將奪六個獎項，祖兒即道：「咁犀利，係咪真㗎，未到最後一刻都未知嘅。」
北京演舞台劇
至於阿詩原來為舞台劇《男人女人》到北京巡迴演出，昨日阿詩在Blog內放一張與一個男人在街頭吃冰糖葫蘆的合照。阿詩更叫大家放心這個男人不是白撞，而是她的服裝指導Kary。
文：音樂組