本文重點
王賢誌於○七年因不滿崔建邦極速上位，自己則不被重用，意興闌珊而毅然離開工作十三年的無綫。昨日王賢誌接受本報訪問，問他與崔建邦關係如何？他說：「我離開TVB兩年，雖然係少啲聯絡，不過間中都有同佢SMS。」
一沉百踩
對於崔建邦涉嫌打女友鄺敏慧，王賢誌謂：「我覺得因為件事已經驚動警方，個女仔又出咗嚟講嘢，作為局外人會覺得佢有做！崔建邦又避咗兩日唔出嚟解釋，某程度上即係默認。呢幾年佢事業一帆風順，唔醒覺娛樂圈係一沉百踩！好似梁榮忠同倪震都尚且如此，今次佢仲涉嫌刑事法律責任咁嚴重。（有冇SMS佢？）冇呀，不過我留意到佢MSN冇開，相信嚟緊嘅日子佢都唔好受。」
有指鄺敏慧博宣傳，王賢誌指愛的反面是恨，可能因鄺敏慧知名度低，故外界才覺她博出位。他又大讚唐詩詠有情有義，與傳媒對答非常得體。