崔建邦自前日爆出涉嫌毆打女友鄺敏慧後，一直未有露面，這段感情糾紛背後，原來暗藏一段三角關係！據知情人士爆料，唐詩詠一早知悉男友不斷收到女方短訊攻勢，兩人更為此而吵大鑊。
崔建邦自涉嫌毆打o靚模鄺敏慧（中巴）事件曝光後，日前被警方以涉嫌襲擊致造成身體傷害罪拘捕。據知獲保釋的崔建邦情緒極度低落，自責為無綫帶來麻煩，感到非常歉疚，更不肯見人。
九月中才分手
對於中巴前日在記者會中聲稱今年八月廿九日與崔建邦拍拖，但據唐詩詠好友透露，兩人是九月中才分手。中巴雖然知道唐詩詠的存在，但仍主動傳短訊約男方出街，唐詩詠知道後，曾數度與崔建邦為此嗌大交，最後決定忍痛分手，退出這段三角關係。
不過，有人疑不滿唐詩詠分手後，仍有同居時的物品留在崔家，加上與崔建邦分手後仍有聯絡，故常發小姐脾氣。本報昨就上述事件向唐詩詠求證，她未有否認，只說：「過去咗唔想再提。」說罷即收線。
身為唐詩詠好姊妹之梁靖琪（Toby），被本報問及知否唐詩詠感情出現第三者時，擁有「烈女」性格的Toby即說：「大家知咩事，總之作為朋友，我會喺身邊撐佢。（信唔信崔建邦打人？）你估拍緊《葉問》咩！」
現實冇鉸剪腳
此外，昨午三時，唐詩詠與好姊妹Toby齊齊素顏戴黑超在尖沙咀LCX行街，唐詩詠表示：「我想開開心心shopping，揀聖誕禮物送畀朋友。（送畀崔建邦？）唔會，我哋冇聯絡、亦冇SMS佢。（你有冇畀人鉸剪腳箝過？）我諗呢啲擂台上先會有，現實中冇可能。（事件影響心情？）係份好大嘅聖誕禮物！呢個聖誕我喺屋企自己過，因為冇人夠膽約我食飯。（點睇無綫停晒崔建邦工作。）公司自有決定，都係為咗藝人好。（鄺敏慧話崔建邦出示你哋分手SMS，至決定同佢拍拖。）我冇睇過報道，等我清楚咗先答。」
文：影視組