家姐有B開心

穿上吊帶短裙的子珊，因為怕走光，在擺甫士影相時，有點不知所措，最後決定站着跟小朋友們影靚相。子珊直言以前對小朋友比較陌生，但自從家姐生了小朋友後，自己開始對小朋友有所了解，最近家姐更再度有喜，令她開心不已，子珊謂：「我上年嘅願望，就係家姐再有ＢＢ，依家終於達成咗。」

親生女冇着數

另外，子珊最近正忙於練歌，預備參加年尾的一連串音樂頒獎禮，有指她是無綫總選新人獎得主，對此子珊直言壓力很大，她表示：「我真係好緊張，之前去無綫優秀選，可能四大唱片公司同無綫嘅事，令到當晚嘅氣氛好凝重。我依家最希望形象設計師幫我搵啲靚同型嘅衫。（係咪好有信心攞獎？）唔係，優秀選當晚，見到好多歌手都着得好靚，就算攞唔攞到獎，都要上台表演㗎！（咁覺唔覺得無綫同四大唱片公司嘅糾紛，會有利無綫親生仔女攞獎？）唔覺，年尾應該冇事㗎嘞！」

文：影視組