陳奕迅（Eason）日前冒冷浸在池底拍MV，咪嘴時不停吸入池水，搞到好似海豚猛噴水，變了濕水雞的Eason無懼露出標誌M字額。此外，Eason個唱再加三場，共開十二場打破了自己在○八年時的紀錄。
Eason日前為新歌《無人之境》拍MV，由於導演想用無重空間表達MV概念，提議在水中取景，Eason覺得好新鮮遂一口答應，雖然拍攝當日氣溫急降，跌至十二度，穿了潛水衣打底的Eason勇於接受挑戰，不理寒冷天氣，浸在水中拍足四小時。
靠感覺做表情
期間，Eason不但要在水中做出各種表情，最困難還是要在水中拍咪嘴唱歌，每次開口都不停吸入池水，所以要邊唱邊把池水噴出，苦不堪言，難怪Eason說：「今次拍MV最辛苦，喺水底根本睇唔到嘢，仲要對住攝影機做表情同唱歌，全部要依賴感覺。」
唔夠飛再加場
此外，Eason明年三月演唱會宣布再加開三場，現共開十二場打破○八年的紀錄，由於門票供不應求，好多朋友都搶飛，搞到Eason忙接電話：「今次唔夠一個禮拜就加到十二場，真係要多謝大家支持，依家最擔心唔夠飛畀親朋好友，自己訂嘅飛兩日冇晒，要再同公司加碼。」
文：音樂組