鍾欣桐（阿嬌）近來忙個不停，就連聖誕佳節亦要在工作中度過，由於工作排得密麻麻，她笑言不好意思申請放假，惟日前阿嬌喜遇聖誕老人，預先感受佳節氣氛，令她笑逐顏開。
阿嬌日前以一身紅黑色的型女打扮，到廣場內感受聖誕氣氛。阿嬌對聖誕燈飾甚有研究，她說：「我想買個大嘅松果，吊喺棵聖誕樹度，有時幾難搵到靚嘅聖誕裝飾品。」期間阿嬌喜遇廣場內的聖誕老人，她即雀躍地拿着禮物和聖誕老人合照，童心未泯。
生日內地拍劇
工作不斷的阿嬌，由於聖誕期間要拍攝電影《前度》，故要在工作中度過佳節，問到有否爭取放假？她笑說：「原本計劃旅行，但檔期實在太密，唔好意思申請。」問到會否邊拍戲邊開派對？她說：「唔會啦，除非（容）祖兒同阿Sa（蔡卓妍）嚟探班，反正部戲有陳偉霆同詩雅份，咁樣都可以一班人過。」阿嬌表示不介意在佳節期間工作，她說：「冇所謂啦，我對節日愈來愈冇咁着緊，就算明年一月生日，我都要喺內地拍劇。」
五位數買禮物
談及聖誕願望，阿嬌表示：「希望新一年順利開心，身體健康。（感情呢？）隨緣啦，依家都係做嘢為主。」問到是否已揀好聖誕禮物？阿嬌說：「我揀咗香水、手袋仔同埋襪等，（大出血？）都唔算，近五位數字啫。」
採訪：專案組 攝影：吳文聰 場地：Grappa's、金鐘太古廣場