楊怡、佘詩曼在早前頒獎禮後有傳不和，但昨日兩人出席商場「美國奇藝雜技馬戲團」活動時，表現合拍齊齊以黑色衫上陣，十足十姊妹花，兩人表示首次拍檔同台搵銀，揚言不介意為姊妹檔登台、剪綵、拍廣告，實行有錢齊齊搵。
問到阿佘鍾意同緋聞男友鄭嘉穎拍檔搵錢，還是同楊怡拍檔？阿佘表示：「兩個都好，有錢搵就好。」身旁楊怡就幫口說：「咁不如搵埋陳豪，我哋四個一齊表演馬戲，佢着緊身衫露肌肉。」阿佘被馬戲團人員熊抱吊在半空，事後大叫緊張：「我頭先好大力箍住佢，轉多幾個圈大家都震震哋，我feel到佢都有啲震。」問到楊怡對此會否覺得浪漫呢？她笑言：「我耳水不平衡，如果我轉多幾圈就嘔同暈低畀佢睇。」
