薛凱琪（Fiona）以「關懷大使」身份出席「樂群麵包工房」活動，呼籲大家踴躍認購，幫助弱勢社群，更即場自製及品嘗糕點。聖誕節她會跟朋友開派對交換禮物，笑說：「我哋係廢物交換，將屋企可循環再用嘅物品攞出來交換，不過舊年有啲朋友冇公德心，攞旅行裝洗頭水出來，希望佢哋今年唔好再咁cheap。」
屬於華納唱片的Fiona，對HKRIA跟無綫因版稅問題爭持不下，她說：「我只係一個個體，作為歌手對公司決定會支持，當然我希望大家都開心，唔好有拗撬分歧。」今年她的歌曲播放率成績很好，可擔心受到影響在勁歌總選而食白果？她說：「冇話蝕唔蝕底，好老土，好多事係整定，我用曱甴來形容自己，適應能力好強。」
