何超瓊昨晚出席慈善首映時，她否認與何東舜銘聯手入主澳娛，並澄清兩人不是初戀情人。問到知否何東舜銘與陳復生離婚時，她說：「我睇到報道，但同公司扯唔上關係，報道股份狀況有偏差，件事同我哋冇關。（何鴻章唔認何東舜銘？）唔關我哋事，同我屋企都冇關。（十姑娘好耐冇露面？）好耐冇聯絡。（何鴻燊知唔知呢啲事？）我冇講，唔需要亦唔使煩佢，佢亦唔需要關心。（有指十姑娘○五年都有收股息，覺唔覺討回公道？）冇咩討唔討回公道，我哋每場官司都贏，我唔想就傳媒炒作逐一交代。」
她又指父親何鴻燊精神很好：「經過四、五個鐘路程，喺車同船上叫佢休息都唔制，但返到醫院就攰到瞓着。今次係長途跋涉，完成咗爹哋願望。（幾時出院？）睇狀況，醫生話佢長路程都應付到，可以處理到外出問題，離出院日好近。（請假出院做冬？）講老實，爹哋知道可以請假，就會成日請，間中請假我贊成，但依家流感流行，我想佢舒適地休息。（今年內出院？）有機會但唔敢講。」