本文重點
鍾舒漫（Sherman）、江若琳、小肥、英皇新人洪杰及Freeze等昨日出席雜誌頒獎禮，Sherman一人獨攬三個大獎，成為全場的大贏家，她坦言得獎為她打了一支強心針：「好開心，真係冇諗過，最開心係拎『熱爆K歌演繹獎』，因為平時啲朋友都會話我嘅歌太難唱，唔會點我嘅歌。」頒獎禮臨近，Sherman表示得到多位其他公司的朋友鼓勵：「自己公司嘅人讚，可能係因為錫我，但得到其他人嘅肯定真係好開心。」
唱型格快歌
而江若琳亦獲兩個獎項，當中包括「型格女歌手」大獎，她說：「嚟緊嘅演唱會會唱一啲型格快歌，會參考吓外國歌手嘅造型。」另外，江若琳在台上大讚小肥細心：「佢做男友真係一流，同佢一齊每一刻都好開心。（發展機會?）你要問佢！」而小肥則表示與江若琳關係如兄弟︰「佢係我大佬嚟㗎！依家同佢關係融洽，冇諗過改變！」
文：音樂組
攝：司徒國榮