周慧敏昨日出席上水廣場舉行的「剪藝‧花裳」時裝騷，穿上剪紙晚裝裙示人，周慧敏笑言令她有再開演唱會的衝動，但剛拍完電影，暫時計劃先休息度佳節。她又大讚一齊拍電影的同事：「今次拍戲好開心，君如拍完戲仲畀咗張支票我，捐去我個基金，同埋我都好想讚吓William（陳偉霆），佢雖然係年輕演員，但已經好專業同好有要求，大家好快交流到。」
去年這個時候周慧敏因老公「偷食」成為追訪目標，她說：「我記得，（今年心情大為不同？）其實我個心係好平靜，因為是基督徒，自己處事加強咗信念，會平淡面對。」談到好友李克勤將再做老竇，周慧敏送上祝福，至於有否衝動當媽媽？她笑說：「唔會，不過世事冇絕對，如果突然間有咗，咁我都會欣然接受，但暫時就未有計劃！」