Emme前晚以女主人身份出席GALTISCOPIO「童真的木馬」在蘭桂坊舉行的發布派對，邀得校長譚詠麟、周麗淇、謝婷婷、周柏豪、黎瑞恩、鄭融及孫耀威等十多位好友出席。
豪送六位數禮物
身為亞太區行政總監的Emme，身穿米白色露肩裙到場，凸顯女強人本色，她更送贈價值六位數字手錶及水晶木馬鎖匙扣予每位到場的嘉賓，她說：「已經有唔少朋友同我訂購，今次投資七位數，與台灣朋友一齊做，我計過都好快回本，人哋話錢搵錢係啱嘅，應該半年就可以回本！」
問她是否不唱歌轉做女強人，Emme表示無意封咪，將會灌錄全新國語歌，只是對代理的手錶一見鍾情，她說：「因為佢個宗旨係『快樂不知時日過』，鼓勵大家要享受每一刻。」校長大讚Emme叻女，不用他傳授生意經：「打發下時間好呀，我都成廿年冇嚟過蘭桂坊啦！」對於好友李克勤缺席四大頒獎禮陪老婆安胎，校長認為各人做法不同。校長又趁機介紹同行的新人王宗堯，大讚對方：「佢直情係黃曉明、金城武同智勇雙全嘅譚詠麟個混合體啦！」
周麗淇自薦代言
同場的周麗淇見到校長亦如小歌迷般，兩人合照時，她更緊張得以雙手掩面：「讀書時已經好鍾意佢，最好Emme搵我同校長齊齊做代言，唔收錢都肯。（同校長合作要錫錫喎。）佢唔介意，我都唔介意㗎！」更揚言視校長為揀男友的人辦。至於黎瑞恩亦罕有出席活動，直言現時少見傳媒唔識講嘢，又謂已有兩個小朋友，無意再生。
文：音樂組