鍾欣桐（阿嬌）昨日現身電台，宣傳首次與莊冬昕及MC Jin合作的新歌《心多》，透露曲風型格十足。阿嬌說：「好鍾意首歌，同以前唔一樣，之前可能要好多舞蹈員營造個感覺，今次只係得兩個女仔，甚至自己一個跳都可以。」
配合廣告
阿嬌坦言喜歡唱快歌夠型之餘，亦不需被問歌詞是否其心聲。問到是否「單飛」會以跳舞路線為主？阿嬌說：「自己學咗一段時間，唔跳覺得好浪費，冇諗咁多。呢首其實係中原廣告歌，歌詞都係配合番內容嘅。」
此外，阿嬌表示將於明年一月尾推出個人EP，但屆時不會在港。她謂：「緊張，因為出嘅時候喺內地拍劇，戲份都好重，扮演兩個角色穿梭時空，未知有咩對手。春節如果佢哋放假都會返嚟嘅，所以依家宣傳定囉。」阿嬌又言Twins推出處女專輯時，她與蔡卓妍（阿Sa）亦分別在英國與美國。
沒有壓力
阿嬌又稱封面及錄音工作已經完成，但口密拒透露形象說：「大家睇咪知，靚囉。（內容有冇心聲？）係雜錦碟，冇乜心聲。」至於好姊妹阿Sa早前推出個人專輯成績叫好，問阿嬌有否壓力時，她輕鬆謂：「壓力係自己畀自己，唔好諗咁多，盡力做好。」
文：音樂組