有讀者向本報投訴，指十二月十日訂了樂富籃球場打波，惟當時高鈞賢與友人正在使用場地，之後他出示預訂場地證明時，竟遭對方以粗言穢語對待，極為氣憤。記者致電高鈞賢求證，他坦承有其事，他說：「我啲波友係有講粗言穢語，但我冇講，就算平時打波好忟，我都唔會講粗口。（怕唔怕影響你形象？）都唔怕，因為我冇講粗口鬧人。」問到身為公眾人物的他平時經常到球場打波，會否容易被人挑釁？他說：「都會，不過呢啲嘢避免唔到，但係自己就唔會理會。」