黎耀祥昨日與曾志偉、官恩娜等出席無綫《東華》拜神，對於近日有多本周刊以他和鄧萃雯的緋聞作封面一事，笑言未試過做這麼多封面：「啲報道係咪好煩？少少啦，沒完沒了，大家都知道係流嘅，大家都係做嘢，唔好寫得咁肉酸，我都係傳媒之友，平時盡量配合，所以今次真係有啲失望。」
祥仔又表示《巾幗》在台慶頒獎禮中大勝，原本是個完美結局，勢估不到會變成這樣，他說：「老婆有啲唔開心，因為有啲周刊記者本身都熟，不如寫埋添哥同雯女忘年戀，再加埋心姐同敖嘉年，搞個四角戀。（怕唔怕報道影響形象？）唔會，觀眾好冷靜，唔會因為周刊寫就影響到。（係咪去到底線？）係啦，夠喇唔好玩太多，我同雯女係金剛不壞之身，所以唔會影響關係、唔會避忌，大家只想拍好《巾幗II》。」