呂慧儀昨日於信德中心出席《聖誕情迷日耳曼》活動，席上她與一德國餐廳名廚示範製作多款德國美食，又跟現場觀眾玩遊戲，童心未泯的呂慧儀，更於台上以用來煮食的德國香腸放於面前裝成「膶腸嘴」，甚為搞笑。
自言平日也會入廚的呂慧儀，坦言自己廚藝麻麻，就連烚香腸也會將它弄至皮開肉裂，她說：「平時自己喺屋企煮即食麵都會烚條香腸嘅，不過次次都係烚到佢爆開晒，但睇完師傅點整之後我識整㗎喇！（煮薯蓉？）咁複雜嘅唔會啦！」
聖誕將至，問到呂慧儀會如何慶祝？她笑謂：「因為當日有朋友結婚，所以會同成班朋友一齊過，舊年知佢求婚成功，已經即刻同公司請定假，準備出席佢個婚宴！」
