官恩娜（Ella）前晚出席公開活動時，谷胸上陣的她竟露出黑色喱士Bra邊，仍然懵然不知繼續拍照，記者後來提醒她才尷尬抽衫。而昨日她與樂隊Dear Jane到彩虹邨出席「飛躍校園」活動時，因自行駕車致大頭蝦行錯路，遲到近廿分鐘才現身，Ella說：「我同事同架車個GPS，已經提我要喺下個路口轉，點知我被啲聲嚇一嚇仲miss咗，直去咗沙田呀！」記者提議她叫男友做柴可夫，Ella即斷言拒絕，擺明錫住男友：「我係現化女性，要自己靠自己。」
近日忙於為東華騷練習的她，顯得十分疲倦，但Ella說：「唔敢有怨言，我最鍾意忙呀！」她透露聖誕及新年都要工作，問她會否提早與男友慶祝？她笑說：「唔好講男友啦，我要專業啲呀！」