前晚的頒獎典禮活動，得獎人Joey、周慧敏、吳君如、張家輝等均盛裝出席，雖然林海峰（Jan）的「差利卓別靈」造型非常搶鏡，仍難敵Joey的性感Deep V兼大露背晚裝，艷壓全場。

Joey入行十周年，特別錄製紀錄片跟好友們分享。

張家輝（左起）、容祖兒、吳君如與陳偉霆均悉心打扮出席派對。

請老友睇首映

Joey表示最近胃口不佳令體重減磅，才可性感上陣，她透露為入行十周年拍攝紀錄片《Joey Perfect 10 Documentary》將於周日舉行首映，節錄她入行十年的點滴，並邀請一眾好友齊齊分享，據知李克勤、張敬軒及王菀之都獲邀出席，她說：「個紀錄片我睇幾次都喊，（有冇緋聞？）我邊有緋聞呀？過咗去就唔提喇，愛情冇乜點講，skip晒呢部分，（舊愛陳方藤呢？）佢當日唔喺香港，不過我會留一隻碟送畀佢。」

周慧敏以金色露肩裝獲獎，但事先張揚不接受訪問。	林海峰的「差利」look連路過的外籍遊客都大讚神似。	Joey着Deep V大露背晚裝，艷壓全場。

家用任老婆使

張家輝表示忙於為電影《綫人》開工，未有機會好好慶祝，問到片酬加碼後會否加太太關詠荷家用？他笑言：「其實片酬係根據市場價值去定位，（咁老婆個價值？）老婆要用就會用，我都唔知佢平時要幾多家用，淨係知每日返屋企我就不停簽名，好似個CEO做緊大生意咁！」

而Jan認為「差利」一向少說話、多做事，值得一向多說話的他學習，問到會否考慮演默劇，Jan笑言：「其實平時都演緊，黑口黑面、問極都唔應咁，每個人都有呢種天分。」

採訪：音樂組