本文重點
化身記者的古巨基到運動場直擊採訪好兄弟劉翔奪取110米跨欄金牌，劉翔乍見基仔即驚喜得大笑，兩人以「阿翔」、「基哥」親暱互稱，劉翔熱情地跟基仔擊掌握手，晚上基仔為賀劉翔設宴慶祝。
基仔昨日以無綫體育組代表訪問劉翔奪金感受，對劉翔充滿信心的基仔難掩興奮說：「喺終點等嘅時候，好刺激、興奮，好期待佢衝線嗰刻，都忍唔住出一分力歡呼。」雖然基仔私底下已知會劉翔他會出現，但當劉翔衝過終點走到採訪區，基仔大喊「阿翔」，劉翔表現得甚為驚喜，開懷地張嘴大笑，基仔笑說：「佢話好唔慣我採訪佢，所以覺得好搞笑。」而劉翔更稱他做「基哥」，基仔笑說：「佢太客氣。」原來這是兩人私下的暱稱。
逾百fans等候
基仔在04奧運跟劉翔相識後十分欣賞對方，他說：「劉翔除咗運動方面有咁高成就，佢個人仲好好，咁多年來我哋一直有聯絡。」問到可會幫「阿翔」慶祝？基仔笑說：「唔話你知，（會送佢賀禮嗎？）準備咗，但都唔可以話你知。」
劉翔在賽後即返酒店，見他在車內不停舉腳做伸展動作，將近返到酒店劉翔擰轉頭看到十多部傳媒車追訪，即臉帶笑容舉高V字手勢，有逾百fans在守候欄王，他將手上花球拋給一位失聰運動員，令對方開心不已。
傍晚六時基仔的保母車被發現駛到劉翔入住的酒店，接載劉翔及其教練孫海平，基仔的保母車多次兜圈欲擺脫傳媒追訪卻不成功，保母車直駛到圓方商場，一行人落車前往「利園」吃飯慶祝，兩人應邀大方停下合照，不過基仔在飯店逗留半小時離開，其保母車往深圳灣口岸行駛，原來基仔要趕到內地工作。劉翔等人則待至八時才離開，劉翔在登車前露出紅色邊的CK底褲，相當香艷。
文：音樂組