廖碧兒日前為代言瘦身品牌拍攝新一輯廣告硬照，期間她更以五個性感造型上陣，其中包括有背心夏日look及低胸性感晚裝等，當中一襲低胸性感晚裝，除了騷胸晒半球外，亦勁騷修長美腿，盡顯性感女神本色。

穿上夏天衫的廖碧兒捱凍拍攝，凍到騰騰震。	向來fit爆的碧兒坦言還想大髀及手臂瘦些。	最近拍戲經常做打女，累碧兒的腳趾又腫又瘀。

咖啡取暖

拍攝當日雖然氣溫只得攝氏十七度，不過碧兒仍然無懼寒風，頂硬上以單薄服飾為廣告進行拍攝，有見及此，拍攝時工作人員除刻意將全廠冷氣熄掉，為碧兒保溫外，大會亦不斷為她奉上熱辣辣咖啡，以備驅寒之用，碧兒表示：「其實最怕唔係凍，最怕係影到我啲腳趾，因為之前做打女拍戲，搞到啲腳趾又腫又瘀，好肉酸，好彩工作人員為我安排咗深色嘅腳甲油畀我搽，幫我遮晒啲瘀痕。」

想瘦大髀

此外，碧兒又透露今次拍廣告酬勞不但非常滿意，而且還加薪不少，認真可喜可賀，她說：「今次拍廣告真係好開心，除咗有錢收，仲可以keep fit，依家對自己full body都好滿意，不過女仔當然係貪靚，如果可以我希望大髀同手臂可以再瘦啲，咁就完美喇。」

文：影視組