苗僑偉（三哥）、黃日華、宣萱和胡定欣等，昨在將軍澳電視城為《刑警》進行開廠拜神儀式。宣萱指這套劇是她入行以來拍得最舒服的一套，問到是否因黃日華爭取有足夠休息時間所致？她說：「因為戲入面我唔係做警察，所以輕鬆啲，華哥反而成日最遲走喎，有時會留喺度睇其他人拍劇，係一個好好嘅前輩。」

討厭飛紙仔

黃日華接受訪問時指今次拍劇比以往舒服，但他也將多出的休息時間用來刨劇本，他說：「我係辛苦命，習慣早少少返嚟準備，可能習慣咗以前跟汪明荃、鄭裕玲嘅工作模式！」問到黃日華可會再拍劇，他說：「我諗機會唔大，因為太困身喇，唔係咁鍾意飛紙仔囉，雖然今次都唔係太多，但係都係出晒劇本好，可以做好準備工夫。」三哥則笑言慶幸有足夠時間休息，老友黃日華既沒有投訴，又沒有鬧人。

採訪：影視組