董敏莉家鄉屬於順德，至今一次都未踏足過，反而六歲及十四歲那年就返過母親家鄉江門，Monie坦言最愛讀音「囡」的食物：「蜆肉加豬肉釀喺蜆殼度，再反轉煎到脆卜卜，講起都流口水。（識整？）識呀，之前返過去拍飲食節目，有師傅教過我。」

六歲的董敏莉與阿姨感情要好。	董敏莉（前左）難忘江門的蚊帳硬板床。	董敏莉（前）連同家姐（左）和哥哥隨母回鄉，瘀爆收場。

禁重提舊事

問到有否難忘事？Monie即笑笑口自爆瘀事：「有次阿姨帶我去泳池游水，可能第一次游水，所以好緊張，游完水換衫，除泳衣時見到有舊屎喺度，阿姨即刻捉我去沖涼。（當時唔知急？）唔記得喇，當時得六歲，只知道搞到阿姨囉。（咁有冇瀨尿？）應該有，哈哈哈！」Monie坦言瘀事不敢在親戚面前重提：「當唔記得啦，諗起都核突。」

促使學游水

Monie透露發生瘀事後返港第一件事就是學游水，最後更加入泳隊，她表示：「呢件事促使我要學識游水，後來仲加入泳隊參加比賽。（依家仲有冇游水？）久唔久都會，不過會去私人會所，因為怕人偷影。」

文：音樂組