林嘉欣昨出席公開活動，指聖誕節將會充當導遊，帶從加拿大回港的母親及朋友暢遊香港。提到與經理人續約問題，嘉欣表示仍洽談中，若最終談不成，她先會稍作休息，之後才再決定新路向。
嘉欣、陳寶珠及鄭伊健昨日出席《海港城×香港血癌基金「愛心抱抱Miffy」》慈善籌款揭幕禮。嘉欣自稱聖誕節將在香港度過：「媽咪會同好多年冇見嘅朋友嚟香港過聖誕，所以我會做嚮導帶佢哋香港一日遊。依家已經計劃好晒，食潮州菜、上山頂咁。（會唔會買禮物送畀媽咪？）我將送禮物嘅錢捐咗去基金會，媽咪知道都會好開心我咁做，好有意義。」
多年沒有遇好劇本
即將約滿經理人公司星皓的嘉欣，問到與公司傾續約進展如何時，她謂：「仲傾緊。（傾咗好耐喎！）係呀，唔知呀。（要求啲乜嘢？）好簡單，拍好電影，咁多年嚟未遇到好劇本，都睇到公司有誠意嘅，不過老闆成日飛，台灣、內地都有公司，等佢點頭都要坐低傾。」
嘉欣表示若跟公司最後談不攏，她會暫時休息，不排除去修讀一個短期課程，因她不想因為想為簽公司而作出衝動決定，影響之後幾年發展。有記者問嘉欣會否趁休息時間搵男友？她說：「係就好嘞！不過冇咁容易。（成日去歐洲都冇遇到？）都溝通唔到。（學外語嘛！）佢學中文唔得咩？」
陳寶珠永遠做大使
同場的陳寶珠為香港血癌基金會當了八年大使，她擔心基金會想搵其他人做大使，但又不方便跟她說，所以曾主動開聲指自己不介意基金會「換人」，而有關方面則指有基金會一日，陳寶珠都會是大使。
文：影視組