身高只有五呎半吋的G.E.M.（鄧紫棋），嫌自己唔夠高，不但食過增高丸，更想過駁骨增高，甚至相信發燒能增高的傳聞，令人發笑。
G.E.M.和樂壇新人章霈迎昨日出席「飛躍校園2009」活動，她表示很喜歡做校園騷，因為自己年紀與學生相近。有記者即取笑她高度都相近，G.E.M.大方地說：「係呀！自己有158cm，5呎3吋高仲欠2吋半。細個都諗住有160幾高度，依家差少少。」
曾食增高丸
前日發燒不適的G.E.M.居然沾沾自喜地說：「尋晚發燒好開心，聽人講發燒會增高，但我冇高到，覺得嘥咗。細個都試過食增高丸，又想過駁骨增高，不過上網啲人話駁骨後會跛腳，先至打消念頭。但我唔會自卑，偶像Christina Aguilera都係生得好矮，不過佢瘦，畀人感覺好高，依家我都努力減肥，唔想啲肉fing fing吓。」
不擔心妹妹
此外，對於年輕人濫藥問題，G.E.M.認為可能與年紀小有關係，因為心智未成熟的人不清楚吸毒對身體有傷害。問到會否擔心妹妹吸毒？G.E.M.肯定地說：「一定唔會，妹妹讀我以前間學校，校風好嚴。」文：音樂組