江若琳、官恩娜（Ella）、吳雨霏（Kary）及林莉等前晚出席「美的認證」第二屆頒獎典禮，獲頒「最迷人眼神」獎項的江若琳直指對獎項不認同，笑言不覺有「電親人」的本事。她說：「呢個係一個誤會，啲對手話合作前對我有幻想，但合作之後就冇，因為我好男仔頭，仲試過同個男仔片場嗌交，呢啲叫不打不相識，不過依家同佢做咗好朋友。」當記者踢爆該人是吳卓羲時，她即尷尬謂：「你哋估咋！依家我哋好好朋友，成日傾電話，係兩個細路仔。（變做情侶？）唔會，大家唔係大家杯茶，做朋友OK，佢好有義氣！」

吳卓羲	穿上單肩晚裝裙的林莉獲「最完美體態」獎。	Ella跟陳妙瑛（左）結伴出席頒獎禮。

Ella化妝品用唔完

而Ella及Kary則分別獲頒「最時尚彩妝」及「最修長美腿」獎項，Ella坦言買化妝品花費甚大，而家中的化妝品更多到「有廿塊面都用唔完」！她表示當中以眼影最多，自己用不完就鼓勵妹妹及母親一起用。Ella笑言：「我做嘢嗰陣會好注重儀表，不過平時見男友就素顏都冇問題。」Kary表示此乃入行以來第一個有關外表的獎項，問她會否因而信心大增時，她說：「唱歌就有信心。」

文：影視組