17歲的Monique涉嫌在校內管有氯胺酮（俗稱K仔）惹起全城關注，足見o靚模個人素質良莠不齊，此事爆出後，令各大模特兒公司更關注模特兒的紀律及操守，Monique前經理人張達鴻（Admond）有意為旗下o靚模推行驗身計劃，除了普通驗身外，還包括驗毒。

o靚模周凱盈因涉及毒案，前途凍過水。 （資料圖片）	Rainbow配合公司，願意第一個站出來去驗毒。	Kim

新舊人都交報告

Admond接受本報訪問時表示對事件十分失望，為了保障公司及旗下模特兒利益，很大機會要求新舊model提交驗身報告：「我哋之後會喺Sony嘅Game模中揀蟀，都有機會要求佢哋交驗身報告，除咗新人，就算係Lavina同Rainbow（胡心諾）等舊model都要驗，希望每人最少兩個禮拜就交一次驗身報告，不過我都好信任旗下藝人。」

Admond強調未簽約的model可能要自費提交報告，已簽約的費用由公司負責，作為負責人要清楚每個人的近況，即使因而加重公司經濟負擔都值得。

身為Admond旗下o靚模的Rainbow與Lavina，贊同公司推行驗身計劃，Rainbow更說會第一個挺身去驗：「我仲讀緊書，學校都有講毒品嘅影響，我都希望藉此宣傳禁毒訊息。（唔覺得麻煩？）唔會，驗血都要定期驗啦，就算公司唔check自己都會check，我好樂意去做。」

Lavina昨日出席活動時說支持公司的決定：「如果冇吸毒怕乜去驗？我覺得係自己同公司互相保障。」對於兩周要驗身一次，Lavina覺得不感到麻煩，反而對自己有益：「依家公司畀錢唔單只驗，仲做埋體檢，就算有其他毛病都check到。」不過，Lavina對常一起出席活動的Monique明顯劃清界線，說大家只是相識一場，私底下沒有聯絡。

各公司表明立場

與此同時，各大模特兒公司亦表明旗下藝人純過蒸餾水，趙碩之及尹蓁晞（Yumi）的經理人Angus表示公司管教artist好嚴，簽約前已經「摸清底」，同時合約亦寫得好清楚，否則即時解約。「八模兵團」經理人Roy說，教旗下model要對自己的行為負責，不應吸毒，簽約前亦會了解她們的家庭背景及朋友，鍾意吸毒就不要入行。而Angelababy的經理人Kim則說：「聽過有o靚模吸毒，但唔知係邊個，我旗下嘅模特兒入行前，會同佢哋講我要一個乾乾淨淨、堂堂正正嘅人，一旦發現吸毒，就會拜拜！」

文：專案組