Emme昨日到新城電台宣傳，對於克勤明年再做爸爸，她表示：「真係嘅？我轉頭打電話恭喜佢，真係好戥佢開心，佢係一個family man，成日黐住屋企，假期仲講明唔會做嘢，好多同事都笑佢有『孌童癖』㗎，嚟緊佢再生多個，更加唔使旨意見到佢！」問Emme會否送禮物祝賀克勤？她表示：「我會送隻錶畀佢太太（盧淑儀），鼓勵吓佢！」

Emme將在本月十一日為手錶舉行大型宣傳活動。

克勤因成日黐住屋企，故被同事笑有「孌童癖」。 （資料圖片）

唔請樂仔撐場

另外，Emme昨日宣傳其最新代理的手錶，她甫見記者即狂sell手上價值六千八百元的手錶，更透露本月十一日會有大型宣傳活動，屆時除了會邀模特兒示範手錶外，亦請來一眾圈中好友撐場，問Emme有否邀請過氣緋聞男友余文樂？她說：「冇呀，係公司幫我邀請朋友！（送隻錶畀佢？）當日嚟嘅朋友我都會送隻錶畀佢哋！」

採訪：音樂組