Kay日前於澳門金光綜藝館舉行《好多謝安琪吶喊演唱會——澳門站》，獲九千多名觀眾手持螢光棒支持，而不少著名影星包括影后級的李冰冰、周迅及黃曉明等都送上花籃支持。舞台特別加設歐陸小木屋配合白鋼琴，期間Kay坐上一團雲狀長櫈獻唱，慢慢升至半空，非常浪漫。

Kay於壓軸環節請來廣州舞蹈組合Speed Crew伴舞，她事後表示：「最開心係邀請到內地著名音樂人李泉老師做嘉賓，我好尊重同埋欣賞佢嘅音樂才華，我同佢合唱《我要我們在一起》嗰個位反應幾好，真係好開心，老師仲話會幫我寫歌！」

多咗幕前工作

不過有傳Kay的演唱會門票滯銷，要由丈夫張繼聰賺錢養家，阿聰前晚為慈善晚會擔任表演嘉賓時表示：「佢演唱會啲飛一早賣晒，我真係冇咁好氣去理呢啲傳聞，（你養家？）我所有收入一向都上繳中央，交晒畀老婆，呢排唔係特別多嘢做，只係多咗幕前工作，先有個錯覺畀大家。」

採訪：音樂組