「阿姐」汪明荃前晚以「樂善關懷大使」身份出席活動，並以一身旗袍打扮來配合「上海之夜」的主題。談到早前羅家英大讚她煮的炒飯最好味，阿姐聞言開心說：「我乜都得係煮嘢唔得，不過嗰晚工人放咗假，剩低啲冷飯，我咪加蛋加葱炒飯佢食囉，（為佢學廚藝？）唔會刻意，順其自然啦。」阿姐早前曾說要重新適應兩夫婦共同生活，現在二人生活如何？阿姐笑說：「佢中秋節搬過嚟，都相處得幾好，因為佢有一半時間唔喺香港，衝突未正式開始。」