王祖藍、黃宗澤、徐子珊等月中會開拍一套六集的賀歲輕鬆爆笑短劇《情人眼女高一啲》，於處境劇《畢打自己人》播映完後播放，由農曆新年初二播至初七。故事講述一個平凡矮小的醜男（王祖藍飾），經常被踩「得把靚聲」，之後在機緣巧合下，竟能離奇地搖身變成靚仔（黃宗澤飾），更因此一炮而紅。監製黃偉聲表示開拍該劇的主要目的，是想在新年期間將歡樂帶給觀眾：「佢哋作為歌手，喺劇入面都會一展歌喉，係一套輕鬆、開心嘅歌舞片。」
問到祖藍是否介意做「醜男」時，他即笑謂：「唔介意！我本身就係呢啲，可能會拍完無端端『升呢』哩！（會唔會自度笑料？）依家都仲傾緊，不過自己喺造型、化妝上都會做啲手腳。」另祖藍一月會拍攝一套搞笑古裝電影，屆時要在橫店開工，連生日也要在內地度過。