鄧紫棋（G.E.M.）昨日為壽司店剪綵，穩袋六位數。據知壽司店有意邀請代言人拍電視廣告，司儀森美笑言要與G.E.M.「爭食」。首任剪綵嘉賓的G.E.M.說：「口才我唔夠森美好，咁我作廣告歌啦！」G.E.M.又自爆整壽司烏龍史：「低能咗啲，用咗屋企啲飯，人哋整嗰啲係凍，我嗰啲係熱嘅。」
樂壇頒獎禮將至，G.E.M.暫未準備戰衣，因身體出現「異變」，她說：「尋晚發生咗件好奇異嘅事，沖涼前後瘦咗0.8公斤，都唔知點解。」問到會否性感上陣？她說：「之前為個唱減咗十三磅，完咗又肥番六磅，好唔穩定，度身都有啲麻煩，唔會好性感，因為減咗肥，依家冇乜嘢睇。」
