本文重點
被克勤視為亦師亦友的譚詠麟昨日在電話中笑說：「我一早就知道呢個喜訊，同佢爹哋媽咪同步知，我身份唔同嘛！（克勤點話你知？）佢話又搞掂咗，我咪讚佢叻仔，恭喜佢。如果生仔可以訓練兩個仔做前鋒，雙鬼拍門為國家効力，生女咪湊成好字。」阿倫指克勤還後生，可以生夠五個組室內足球隊。他又大爆克勤工作時經常偷笑：「見到朋友都想講，但又要吞番。」阿倫會送克勤一塊靚玉作定驚同安胎之用。
陳慧琳想對親家
陳慧琳得悉克勤喜訊開心地說：「恭喜佢，希望佢順順利利生個女就好，可以湊個好字。第時等佢個女同我個仔做吓朋友，睇吓有冇得發展。」身在上海拍戲的梁詠琪說：「好開心，戥佢高興，希望呢胎後佢仲再會生多個。」老友周慧敏則透過老公倪震SMS回覆：「恭喜恭喜，繼續努力。」而陳百祥則謂：「吓？咁勤力，梗戥佢開心，代我生埋，佢好錫個仔。
