心情高低起伏

對於樂壇頒獎禮將至，Kay表示不會特別緊張獎項，亦沒有留意有關賽果預測的傳聞。提到她過去一年備受批評，Kay說：「今年真係好多新聞，心情高高低低咁好辛苦，當自己經歷過咁多，個人仲反而舒服咗。」Kay表示批評的聲音不絕，但身邊仍不乏支持她的人，令她感到非常欣慰，她說：「合作開嘅音樂人都仍然好樂意同我合作，圈中有好多好朋友，有時唔使講說話，一個簡單擁抱就覺得好溫暖，唔係太熟嘅歌手都會透過助手發短訊畀我支持我，呢個係入行之後其中一樣最珍惜嘅禮物。」

另外，Kay前晚於澳門舉行演唱會，她表示跟嘉賓李泉合作一曲《我要我們在一起》，反應非常好，她說：「可以同老師合作好開心，佢仲應承幫我寫歌，真係覺得好榮幸！」

採訪：音樂組