楊思琦、吳卓羲、李麗珊、黃德森昨日出席海洋保育活動，對於有傳思琦與陳鍵鋒拍無綫新劇《翻叮一族》時不和，思琦再次否認不和傳聞，而在旁的吳卓羲，視思琦與鍵鋒都是朋友，故幫口力撐二人：「冇可能！」之後又盛讚思琦容易相處：「同佢（思琦）合作唔覺難相處，（影到二人貌合神離？）呢啲可能係角度問題。」
與陳鍵鋒合作良多的吳卓羲，聲稱鍵鋒對所有人都很好，當記者笑問陳是否只對男性較好時，卓羲即謂：「個個都好，我同佢係好朋友！」此外，有指新劇《巴不得爸爸》抄襲舊劇《難兄難弟》，吳卓羲則表示：「係題材類似啫，收視都ＯＫ啦。」而思琦則說：「最近少輕鬆喜劇，出到街啲觀眾都叫到我劇入面個名，成日問我大墨魚（即鹹濕佬）喺邊！」