傅穎（Theresa）前晚以紫色吊帶短裙現身中環為薄荷糖派對擔任嘉賓，由於現場人數眾多，Theresa的性感打扮吸引不少市民及遊客圍觀支持，但為避免有「鹹豬手」出現，Theresa出入都有工作人員及歌迷沿途護駕，認真威水。
難忘初吻
Theresa表示身為女仔會特別注意口腔清新，避免尷尬情況發生，還自爆感情生活長時間「空窗」，已經將接吻技巧忘得一乾二淨：「好耐都冇錫人喇，拍戲又冇，自己又好耐冇拍拖，可能已經唔識點樣去錫。」Theresa曾經遇過一個男仔自稱是「Good Kisser」，令她大打退堂鼓，反而跟初戀男友的初吻仍然非常難忘，亦跟對方繼續聯絡做好朋友。
錫完要摑
提到拍接吻戲，Theresa笑言難忘跟余文樂的一場咀戲，她說：「劇情要我錫完佢之後摑佢一巴，點知NG咗好多次，打到佢塊面紅晒，有我個手掌印，真係勁唔好意思，惟有錫番佢補數啦！」
採訪：音樂組