王菀之（Ivana）昨日出席「麥當勞叔叔之家慈善基金保齡球大賽」活動，自嘲是「落坑王」的她說：「我打開都有三十幾分㗎。我知道小朋友有病好可憐，幫到佢哋好開心，小朋友真係好可愛，我都想生BB，最好一男一女啦！」
問Ivana何時實行生育大計？她即推說有意下年在紅館開演唱會，假如生BB需要很長時間康復：「不過雖然話依家係搏殺期，如果緣分到都要順應天命嘅。」同場的李逸朗剛從北京完成電視劇《張小五的春天》回來，他說：「因為當地食東北菜，唔係好啱我食，所以咪瘦咗咁多囉。」他透露將錄製國語專輯，預計於農曆新年期間推出。
