陳法拉昨日現身《喜羊羊與灰太郎溫情「羊」溢過聖誕》活動時，大爆前日的頒獎禮上竟與好姊妹楊怡撞衫！她說：「我返到TVB拎條裙出來嗰刻，發現同阿怡撞裙，因為我覺得阿怡好有機會得獎，所以我即時打畀贊助商換裙，嗰邊送咗另外兩條過嚟，但因為冇fitting過，所以我最終問TVB借，最唔好意思係問贊助商借咗裙又着唔到。（撞裙失預算？）唔介意，我覺得係同阿怡心有靈犀！佢話要請我食飯，又猛話好唔好意思，其實阿怡之前去日本都有買音樂盒送畀我，我哋係好姊妹。」
楊怡昨日接受電話訪問時，亦承認與法拉撞裙：「好多謝法拉，證明大家品味相同，佢好大方讓我，佢知我只係試咗一套衫，會請食飯答謝佢！」
