Keeva與樂隊Mr.為同期新人，後者已推出兩張專輯，她花一年時間練習、練習再練習，她說：「我呢一年試咗好多唔同嘅嘢，好想試下自己有咩能力。我上年年尾出道到依家，中間都好緊張，好似Mr.出碟我都戥佢哋開心，今次輪到我，希望佢哋都會嚟戥我開心！」

Keeva刻意擺脫孩子氣。	黃貫中	Keeva除了積極練歌，還學彈結他。

MJ@Mr.教彈結他

她坦言有「等到」的感覺，對於經常見面的Mr.又有何感覺？Keeva大讚MJ有耐性：「佢依家教我彈結他，佢真係好認真咁教，我好多謝佢。（有冇發展？）雖然Mr.五個都好好，但係我哋太熟，感覺似哥哥多啲。」

等待出碟期間，Keeva直言沒有片刻偷懶：「監製Gary Tong同我一齊搵最啱我嘅路，我哋真係好畀心機。」

決意擺脫孩子氣

擁有甜美笑容的Keeva，決意擺脫孩子氣走　Rock，何解？她說：「外界成日覺得我個樣唔似鍾意Rock，其實我爸爸係開Studio，所以自細聽Band Sound、聽Rock，接觸得多自然就鍾意，所以Gary話搵阿Paul幫我寫歌，真係好開心，我記得佢有讚過我，哈！」

文：音樂組