樂壇永遠是變幻莫測，機會處處，如官恩娜（Ella）在《超級巨聲》高歌一曲，贏盡掌聲，令人「喚醒」她的歌手身份；又如陳柏宇因為邊「動L」邊獻唱《你瞞我瞞》而人氣急升，帶挈歌曲大受歡迎；再如英皇女歌手Sherman，向以狂野形象及勁歌熱舞取悅歌迷，今年卻憑勵志慢歌《給自己的信》爆出，連她自己也意想不到，Sherman更被視為頒獎禮黑馬人選，有望取得佳績。

鍾舒漫今年成績不俗，有望在頒獎禮創佳績。

Sherman坦言好歌難求，能有自己的代表作，已感開心。

感情狀況「零」

事業運強勁，愛情方面卻「捧蛋」，Sherman向來少是非和緋聞，傳得最似層層的，只有她和張致恒的戀情，而她的感情狀況是「零」：「都急唔嚟，係女仔都想拍拖，做完嘢返屋企都想搵個男仔吐苦水，希望有人關心。（主動出擊？）咁又唔會去搵喎，我覺得感情事要順其自然，太特登反而冇咁好。」身邊朋友有否給她「相睇」？Sherman笑說：「冇呀，我性格男仔頭，入行後個個都同我做晒『兄弟』。」

慢歌要感動人

初唱慢歌成績不俗，Sherman說要再細加研究，因她對慢歌認識不深：「依家先發現最緊要感動到人，同埋令人有共鳴。」她大嘆好歌難求，能夠唱代表作已難能可貴。

文：專案組