金牌女新人陳思彤早前現身新城電台，宣傳與師兄小肥的全新合唱歌《世間始終你好》，思彤說：「頭四句同舊嗰首經典版係一樣，係一個都幾武俠feel嘅愛情故事。」兩人初次合唱情歌，MV中更為愛犧牲，豈料愛火未及蔓延，但「笑」花已濺滿四周。
思彤憶述拍攝MV時的笑料說：「整個過程都充滿咗笑聲，有一幕我要企喺鬧巿嘅天橋上吹笛，原本應該係好有型，但唔知係咪好唔切合個環境，周邊啲工作人員係咁笑，附近Office啲人仲望晒出嚟！」
談到為救小肥受重傷一幕，原本浪漫非常，最後卻被小肥過分入戲而「嗌」散情緣，她說：「當時佢抱住我，點知佢突然好激動大叫我個名，好似我真係死咗咁，嗰下真係嚇一嚇，之後就忍唔住笑咗出嚟。」
