型男組合Square日前相約幾位DJ到War Game場玩槍戰，幾位大男孩一見槍便愛不釋手，其中經驗豐富的Brian更「殺手」上身亂槍掃射，最終仍然不敵「沉着應戰」的DJ隊而戰死沙場。
Square日前應邀為新城電台節目《娛樂旗艦店》作戶外錄音，四子雖然高大威猛，但一睇到手槍就即時變成大細路，滿場飛吵個不停，DJ隊眼見身高輸畀Square而處於弱勢，就靜靜邀請外援軒仔及War Game店老闆幫忙做「無間道」，而路芙扮演戰地記者，以全副武裝上陣，更事先聲明：「邊個射中我，必死無疑！」
瑪姬包到實
至於嬌小的瑪姬就戴上頭盔及穿大褸實行「包到實」，她說：「佢哋話啲BB彈會射穿汽水罐，我好怕中槍會痛，所以準備好幾件褸！」Square一進入場地就有如殺手上身，有姿勢亦有實際，不過黑仔Rex就多次壞槍，而Brian就亂槍掃射致浪費彈藥，最終Square隊惟有「扯白旗」投降離場。
打野戰減壓
Square四子坦言對War Game興趣甚大，Gary說：「男仔一定鍾意玩，夠刺激嘛，不過入行之後都好忙，冇乜機會玩。」Brian就透露雖然War Game危險性不大，不過多少會影響工作，他說：「其實以前做model，公司都唔鼓勵我哋玩War Game，因為一中槍就會瘀晒，有時着衫會露啲瘀痕出嚟就唔好睇！」而James認為War Game可以為他減壓，所以不時都會約圈外朋友打War Game發洩。
採訪：音樂組 場地：CQB Station