黃真真被外間認為是圈中硬朗型的女性導演，早前她更獲「TOUGH jeansmith 15周年紀念-15強人」頒發強人獎項。她接受訪問時表示導演是她職業上一個角色，片場上需要硬淨和堅強一點，她說：「你要控制片場嘅場面，如果導演突然會喺片場喊咗出嚟，真係嚇死人。」她表示不認為女性導演會較男導演輸蝕，因電影公司老闆有時很希望聽取女性方面的意見，往往能突圍而出，她說：「我試過同成班男性工作人員開會，但討論咗好耐都得唔到結論，最後公司老闆想聽吓女性嘅意見，最後用咗我方案。」
問到剛強外表會否令她在愛情路上遇到困難，她說：「呢個係大家嘅錯覺。男性有兩種，一種係鍾意駕馭女性，另一種係鍾意畀女性話事，所以太有主見嘅男性係唔會揀我。」