「草蜢忘我世界巡迴演唱會」早前分別在北京、天津及澳門三個地方舉行，三地的fans都很瘋狂，猶幸大會的保安做得好，沒有fans可以上台「突襲」，傑仔說：「我哋唱第一首歌，睇見台下由三至六十歲嘅fans都企起身唱歌。」

再登小巨蛋

在澳門一站傑仔更有意外收穫：「我哋做完騷，等車去碼頭，因為仲有少少時間，工作人員提議去賭場碰運氣，點知我好好運，用二千蚊本玩咗八鋪輪盤，結果中六鋪贏咗成二千蚊，好lucky。」

本月12、13日草蜢將在台灣小巨蛋開騷，傑仔對今次的演出充滿期待：「計起嚟我哋已有17年冇喺台灣小巨蛋演唱，其實開一場已經好厲害，我哋今次開兩場，仲一早賣晒啲飛，為報答支持同久等我哋嘅fans，我承諾一定將最好嘅表演獻畀佢哋。」

25場跳到底

而明年是草蜢25周年紀念，為慶祝這個大日子，三子將在港舉行草蜢銀禧演唱會，會否開足25場？傑仔說：「如果可以連開25場，真係一個創舉，我哋草蜢寓跳舞於娛樂，唔會嫌辛苦，如果fans可以捧足25場，我哋一定跳到底！」春節期間，草蜢又會到美國演唱搵銀。

文：音樂組