狄易達踏入演藝圈只有短短兩年，不再是樂壇新人的他承認有失落感：「上年係新人有多啲焦點，但對某啲觀眾嚟講，我依家仲係新人。」不過面對密密麻麻的工作，他的失落感全消，亦不為年底的頒獎禮感壓力，他說：「期望不大，但唔係冇信心，第二年唔敢話有乜獎先係好，期望練多啲，可能練體操同樂器，想有多啲突破！」

狄易達經常跳跳紮，無時無刻都想着創作新的舞蹈。

狄易達舞功強勁，來年會多拍電影及電視劇，相信乖仔形象能成功入屋。

似弟弟冇緋聞

狄易達即將推出新歌，製作班底有林夕及方大同，內容以不同食物比喻每個人對事情的品味，不再局限於唱情歌，令他覺得長大一歲。除了音樂上求突破，他亦開始闖影視圈，不但在電影《72家租客》中客串演出，明年還會拍劇集，他說：「一月會幫無綫拍劇，應該係時裝，冇咁大膽去拍古裝，如果真係古裝，可能做孱弱書生。」

狄易達甚少緋聞，他解釋沒有的原因：「我畀人嘅感覺似弟弟多啲，圈中嘅女仔感覺好成熟，加上做嘢會避忌啲。」

與William舞得比

雖然沒有緋聞，但卻傳出與同期的William不和，更有傳較對方唱舞藝差，他從容地面對：「好新鮮，未試過有乜新聞，記者問到都唔識答。（與William比較？）自己跳舞有可觀嘅地方，但訪問嘅對答要向佢學習。」他直言與William私底下不太相熟，反而周柏豪和方大同才是傾訴心事的對象。

文：專案組

攝影：沈健程

髮型：Blackie Ip @ hairlobby

服裝：BEP、Reebok