陳君宜（Qinnie）在中環投資開設時裝店，曾經修讀時裝設計的她，自畢業後便一直渴望能擁有自己的店舖，今次終夢想成真，投資達七位數字。Qinnie表示只籌備了兩個多月，她說：「我一向都好鍾意行街買衫，依家可以成日去外國入貨，名正言順Shopping。我主要會去英國入貨，因為嗰度會有好多特別嘅design，加上本身我又鍾意英倫風格。我好鍾意小飾物，所以我特別整咗個飾物櫃，放咗好多得意小飾物擺賣，樣樣我都覺得好cute，有啲我自己都會買埋。」

陳君宜親自設計店舖的擺設，別具特色。

店內的所有貨品，均令陳君宜愛不釋手。

未有意生B

對藝術也有興趣的Qinnie，十分講究店舖的擺設，她說：「本身我都好鍾意art同研究擺設，好似舖入面張櫈都係特別由外國買返嚟，我屋企都有一張。」

Qinnie還透露好友徐子淇曾來幫襯，她說：「佢有嚟過買嘢，見子淇同我好多朋友都生BB，我仲特別入咗啲母女裝，啲小朋友衫仔真係好得意。」不過當問到Qinnie會否早日和男友結婚生BB時，她說：「暫時冇呢個打算，玩朋友個BB就夠㗎喇！」

文：專案組 攝：鄭家俊